Krasniqi – LVV-së: 4 vjet i bëni nesër në pushtet dhe ende vetëm arsyetoheni

Kryetari i PDK-së, Memli Krasniqi ka thënë se është e turpshme nga partia në pushtet që për 4 vite ka vetëm arsyetime.

Ai tha se gjatë kohës sa partia e tij ishte në pushtet i janë rritur pagat dy herë policëve, mbi 100 për qind.

“Me ba me ju dëgju një person që nuk ju njeh mendon që 4 muaj keni ardhur në pushtet, katër vite i bëni nesër. Katër vjet që keni fituar hej, ja nisni me tregu se spo mujna me i bë, qysh 4 vjet nuk jeni në gjendje më bë asnjë hap. Hale jeni duke u arsyetuar për sende që nuk ka ndodhe e 4 vjet jeni në pushtet. Kjo është e turpshme, ky arsyetim. Ne pagat e policëve i kemi rrite 2 herë në mbi 100 për qind për 4-5 vjet”.

“Kur kemi qenë ne në pushtet janë rrit pagat jo vetëm për këtë kategori , por për të gjitha. Me këtë inflacion që ka kaluar gjatë periudhës suaj më këtë shtrenjtim enorm, ato paga sot nuk janë të mjaftueshme, kanë qenë të mjaftueshme kur i kemi rrite na, sot s’janë se fuqia blerëse e tyre është përgjysmuar. Ju rritni në mandatin tuaj, ne i kemi rritur e din”, ka thënë ai, përcjell teve1.info.

Në seancën e Kuvendit të Kosovës, ku Lëvizja Vetëvendosje kundërshtoi vendosjen në rend të ditës të Rezolutës së propozuar nga PDK për fuqizimin e Policisë së Kosovës, Krasniqi tha se qasja e kryeministrit Kurti dhe VV-së nuk ka qenë kurrë konstruktive.

“Ju vini të kërkoni sot këtu konstruktivitet nga opozita, kur qasja juaj mund të jetë gjithçka, vetëm konstruktive s’ka qenë që nga dita që e keni marrë detyrën e kryeministrit, jo vetëm në raport me përfaqësuesit e qytetarëve që janë nga parti Ti je shembulli më i keq i opozitarit që e ka pasur Kosova ndonjëherë ë opoztare, por para së gjithash në raport me qytetarët”, tha ai.

Krasniqi theksoi se Kosova sot është e sanksionuar dhe e përjashtuar prej programeve të ndryshme ndihmuese të BE-së për shkak të qasjes dhe veprimeve të kryeministrit Kurti.

Kreyministri Kurti ka kritikuar opozitën për mosvotim të marrëveshjve ndërkombëtare.