Krasniqi në emisionin “Këndi i Debatit” në Tëvë1, tha se në bazë të raportimeve dhe vlerësimeve që bëhen nga MAPL-ja ndahet edhe një grant.
“Ky ligj rregullon njëherë dhe përgjithmonë sistemin e raportimit të komunave mbi 119 indikatorët të cilët janë përcaktuar për komunat edhe të kompetencave vetanake të nivelit lokal. Në bazë të këtyre raportimeve dhe vlerësimeve që bëhen nga Ministria e Administrimit dhe Pushtetit Lokal ndahet edhe një grant”, ka deklaruar ai.
Sipas tij, qëllimi i këtij granti nuk është financimi i përgjithshëm i komunave, por është një grant që financon komunat në bazë të meritave.
“Qëllimi i grantit nuk është financimi i përgjithshëm i komunave por është një grant i cili financon nivelin lokal apo komunat në bazë të meritës. Është grant i veçantë i cili do të jetë edhe në momentin kurdo që fillojmë edhe me grantin e katërt në MAPL. Financimi i komunave përmes këtij granti nuk është fushëveprimtaria kryesorë, është një shpërblim për komunat që tregojnë performancë”, ka thënë Krasniqi. /teve1.info/