Sulmuesi i krahut, Ermal Krasniqi do ta vazhdoj karrierën në Çeki te Sparta e Pragës.
Bëhet e ditur se Rapid Bukureshti ka pranuar ofertën e ekipit çek për Krasniqin dhe gjithçka do të bëhet zyrtare brenda pak ditëve.
Krasniqi do të transferohet te Sparta për dy milionë euro dhe me ekipin e ri pritet të firmos kontratë trevjeçare.
Sparta është kampion i Çekisë dhe në sezonin e ri do të paraqitet në kualifikimet e Ligës së Kampionëve.
25-vjeçari po largohet nga Rapidi pas vetëm gjashtë muajve pasi këtij ekipi iu bashkua në janar të këtij viti nga skuadra e Clujit për 1 milion euro.
Krasniqi prej janarit të vitit 2023 ka bërë karrierë në Rumani, ndërsa sezonin e fundit ka realizuar 6 gola dhe ka bërë 5 asistime në 34 paraqitje në të gjitha garat.
Ai në Rumani u transferua nga Ballkani i Suharekës, ndërsa ka edhe 4 ndeshje të luajtura me Kombëtaren e Kosovës.
