Kryetari i Partisë Demokratike të Kosovës, Memli Krasniqi në seancën e Kuvendit ka kritikuar kryeministrin, Albin Kurti për mungesë trasparence në raport me dialogun me Serbinë.
Krasniqi deklaroi se në raport me dialogun Kosovë – Serbi, Kurti nuk ka nevojë as të fshihet e as të mashtroj, por as ta luaj rolin e shpëtimtarit e as tradhtarit, shkruan teve1.info
“Prandaj dua që t’ia bëjë të qartë kryeministrit se në raport me temën e dialogut nuk ka nevoj as të fshihet, as të mashtroj as të luaj rolin e shpëtimtarit e as të tradhtarit”, deklaroi ai.
Kreu i PDK-së, theksoi se për partinë e tij mjafton që Kurti të ushtroj përgjegjësinë konkrete ligjore e kushtetuese që e ka si kryeministër i vendit, teksa shtoi se gjithashtu Kurti duhet të dialogoj e të arrij marrëveshjen që e respekton identitetin dhe sovranitetin shtetërorë e Kushtetues të Republikës së Kosovës.
Sipas tij, këtë marrëveshje kryeministri i vendit duhet ta bëjë në mënyrë transparente.
Tutje, Krasniqi tha se nuk është e nevojshme që Kurti ta fsheh prej deputetëve pozicionin në të cilin qëndron ai në raport me planin franko-gjerman apo evropian.
Madje, Kransiqi ironizoni duke thënë se Kurti nuk ka nevojë të njoftojë që e ka pranuar planin franko – gjerman apo evropian nga një restorant por duhet të vijë në Kuvendin e Kosovës, aty ku janë përfaqësuesit e popullit.
“Nuk ka nevojë me mshefë prej kuvendit dhe deputeteve asnjë prej pozicioneve në të cilat qëndron sot kryeministri në raport me planin franko-gjerman apo evropian, nuk ka nevojë me na njoftu se e ka pranu këtë plan nga një restorant e me një biftek përpara por këtu në kuvend ku janë përfaqësuesit e popullit”, deklaroi Krasniqi./teve1.info
