Kryetari i Partisë Demokratike të Kosovës, Memli Krasniqi ka thënë se nuk beson që kryeministri në detyrë, Albin Kurti i ka votat për formimin e qeverisë, pavarësisht pse është mandatar.
Ai ka thënë se nuk beson që votat i ka edhe dikush nga opozita, duke thënë se opsioni më i mirë është shkuarja në zgjedhje sa më parë.
“Z. Kurti e ka pranuar mandatit nga presidentja i ka edhe 11 ditë për me provuar me ba Qeverinë, unë jam i bindur siç kam qenë gjithmonë se nuk ka numra dhe tezaurimi i provës së parë e sjellë provën e dytë. Kushdo që ka shumicën, por nuk duket që ka dikush ka shumicë dhe kjo më pastaj len me besua që afatet kushtetuese mund të përfundojmë në zgjedhje diku mes 30 nëntorit edhe 14 dhjetorit. Kjo është matematika e thjeshtë e procedurës para nesh. Tani nëse na befason z. Kurti që unë nuk besoj e bënë qeverinë disa mujore, deri në prill. Besoj që është e kot çfarëdo qeveri tash që do të kishte një jetë të shkurt dhe s’do të kishte dobi. Mendoj që është e rëndësishme të shkohet në zgjedhje sa më parë”, ka thënë Krasniqi të mërkurën në një konferencë për media.
Ai ka përjashtuar çdo mundësi bashkëpunimi me Vetëvendosjen për formimin e qeverisë së re.
