Në Konventën e Përgjithshme të Partisë Demokratike e Kosovës, të njëmbëdhjetën me radhë, Memli Krasniqi është rizgjedhur kryetar i PDK-së.
Krasniqi ka falënderuar delegatët e pranishëm për besimin e dhënë, për të vazhduar së bashku punët e mira për Kosovën.
Pas Konventës së Përgjithshme, PDK ka mbajtur një konferencë për media, ku kryetari i kësaj partie, Memli Krasniqi ka potencuar se PDK është e gjithë atyre që e duan Kosovën më mirë.
Madje, ai shtoi se kur Kosova dhe PDK-ja ecin bashkë një drejtim, ajo është vetëm përpara.
“Forca jonë është tek njerëzit tanë, tek vlerat që na bashkojnë, tek vizioni që na udhëheq dhe duke nderuar të kaluarën, ne do ta ndërtojmë edhe të ardhmen. PDK është e gjithë atyre që e duan Kosovën më të mirë. Kauza jonë është Kosova dhe e them pa modesti kur Kosova dhe Partia Demokratike e Kosovës ecin bashkë ka vetëm një drejtim ajo është përpara”, ka deklaruar Krasniqi./teve1.info/
