Kryetari i PDK-së, Memli Krasniqi ka kujtuar kohën e shpërnguljes me dhunë të mbi një milion shqiptarëve të Kosovës drejt Shqipërisë e Maqedonisë së Veriut, 24 vjet më parë.
Krasniqi ka shkruar se pamjet e atyre ditëve ende janë të freskëta në kujtesën tonë kolektive.
“Në kujtesën tonë kolektive, ende janë të freskëta pamjet e trishta dhe përjetimet e hidhura të kësaj tragjedie të para 24 viteve”.
“Mirënjohje e përjetshme për të gjithë ato familje humane e bujare, që na u gjendën në kohët më të rënda! Përherë falënderues!”, ka shkruar Krasniqi.
Ndryshe, sot shënohet Dita e Eksodit Shqiptar të Kosovës.
