Kryetari i Partisë Demokratike të Kosovës, Memli Krasniqi , ka thënë “një jetë e tërë në shërbim të atdheut dhe popullit”, është fraza që e karakterizon Bajram Rexhepin, ish-kryeministër i Kosovës.
Krasniqi me rastin e gjashtë vjetorit të vdekjes së Bajram Rexhepit, ka thënë se ish-kryeministri ishte politikan parimor, lider i përgjegjshëm, profesional e atdhetar.
“Politikan parimor, lider i përgjegjshëm, mjek profesionist e atdhetar, mik e bashkëpunëtor korrekt, familjar i dashur. I tillë do të mbetet në kujtesën e gjithsecilit prej nesh kryeministri i parë në Kosovën e pasluftës, doktori i UÇK-së, ish-kryetari i Komunës së Mitrovicës, ish-Ministri i Punëve të Brendshme, kirurgu i suksesshëm – Dr. Bajram Rexhepi”, ka shkruar Kransiqi.