Ministri i Administrimit të Pushtetit Lokal, Elbert Krasniqi ka njoftuar se Policia e Kosovës ka hapur konkurs për pranimin e zyrtarëve policor nga radhët e komuniteteve.
Krasniqi ka thënë që në këtë mënyrë do të rritet numri i zyrtarëve policorë edhe nga komunitetet.
Derisa, ai i ka ftuar të gjithë komunitetet që të aplikojnë dhe të bëhen pjesë e Policisë së Kosovës.
“Në mënyrë që të rrisim numrin e zyrtarëve policor edhe nga komunitetet, bashkë me Ministrin e Punëve të Brendshme, Xhelal Sveçla, disa nga zyrtarët policor të gjeneratës së fundit të Policisë së Kosovës, në mesin e të cilëve është edhe Gazmend Zikolli, pjesëtar i Policisë nga komuniteti egjiptian, ftojmë të gjithë komunitetet e posaçërisht komunitetin egjiptian, ashkali dhe rom që të aplikoni dhe të bëheni pjesë e Policisë së Kosovës dhe t’i shërbeni vendit me integritet e profesionalizëm”, ka shkruar Krasniqi.
Konkursi do të jetë i hapur deri më 25 korrik 2024, sipas kushteve të parapara të konkurrimit./teve1.info/
