Aktivisti i Vetëvendosjes, Dardan Krasniqi duke folur për deklaratat e deputetit, Haki Abazit për gjendjen brenda VV-së ka thënë se është normale që të ketë mospajtime në demokraci.
“Është shumë normale njerëzit në demokraci mos me u pajtu. Ne kemi pasur raste në VV kur kanë ardhur prej subjekteve tjera. Albini ka thënë nuk mund të pajtohemi me secilin 100 %. Në demokraci mjafton me u pajtu me një pjesë e me një pjesë jo. Mendoj që ka demokraci, ka diskutime. Unë nuk shoh më shumë kritikë që i bëjnë VV-së të tjerët, sesa vet aktivistët e saj. Aktivisti i VV-së nuk i nënshtrohet askujt, vetëm parimit”, u shpreh Krasniqi.
Ai ka shtuar se nuk është ide e mirë që Abazi të del nga Vetëvendosja, por se duhet vetëm të japë dorëheqje nga pozita e deputetit.
“Nuk kisha thanë që del. Unë rrugëtimin politik nuk mundem me ia përcaktu askujt. Ai e ka marrë besimin prej përkrahësve të VV-së mirëpo mendoj që është e drejtë e secilit me e pa veten a është dikush a jo”, ka thënë Krasniqi në Info Nata në Tëvë 1.
“Atë që ia kisha dëshiru zotit Abazit që nëse në rrugën e vet, edhe ai e ka deklaru faktikisht kështu, është që ta len ulësen e deputetit dhe ajo t’i takojë një kandidati në listë”, deklaroi Krasniqi.
Sipas tij, bredhjet nga një partia në tjetrën nuk po i sjellin shëndet demokracisë
“Është ni shkrim i Ben Blushit për “Hasanizmin politik” dhe ky lloj hasanizmi i ka sjell shumë dëme vendit. Bredhjet nëpër parti të njerëzve nuk kanë sjell fryte por kanë sjell dëme politike. Dhe nuk ia dëshiroj vetëm atij, por edhe Doarsës, edhe deputetja e PDK-së në VV më herët, këto kfinta nuk janë duke i sjell shëndet demokracisë”.
“Përderisa ke marrë votën në subjektin tan, mendoj që aty duhet të përfundon. Dhe inatet, mllefi në politikë nuk duhet të zë vend. E kemi helmu skenën politike, është i kontaminuar terreni politik”, ka deklaruar Krasniqi.
