Kryetari i Iniciativës së Re Demokratike e Kosovës (IRDK), Elbert Krasniqi, ka promovuar punën për furnizimin për ujë të pijes në lagjet 28 dhe 29 në Fushë-Kosovë.
Sipas tij, në mandatin tjetër Fushë-Kosovën e presin edhe shumë projekte po aq jetike sa uji i pijes.
“Lagjja 28 dhe 29 këto lagje me njerëz punëtorë e zemërgjerë u harruan për vite nga niveli qendror dhe u neglizhuan secilën herë nga niveli lokal. Sa afër Prishtinës, sa afër Kryeqendrës por ishin larg me kyçje në ujin e pijës. U zotuam se pa ujë s’do ti lëmë dhe jam krenar që këtij zotimi i dolëm ballë, dhe sot këta banorë kanë ujin e pijes”- ka thënë Krasniqi më 18.01.2025./teve1.info/
