Kryetari i Partisë Demokratike të Kosovës (PDK), Memli Krasniqi, ka bërë të ditur se bashkë me anëtarin e partisë, Uran Ismailin, kanë vizituar në Hagë ish-presidentin Hashim Thaçin dhe ish-kryetarin e Kuvendit të Kosovës, Kadri Veselin.
Krasniqi thotë se i kanë gjetur të gjithë bashkë ballëlartë.
“Dyert e hekurta, korridoret e gjata e muret e larta, çdo ditë e më shumë po e humbasin betejën kundrejt zemrave, besimit dhe kurajos së çlirimtarëve tanë. I gjetëm të gjithë bashkë ballëlartë – si gjithmonë – dhe me Kosovën në mendje e zemër, që vazhdon t’i frymëzojë, t’i mbajë të fortë e krenarë secilin”, ka shkruar Krasniqi në Facebook.
Tutje, ai ka shkruar se do të jenë pranë tyre deri në ditën e triumfit të drejtësisë.
“Gjithmonë me ta dhe pranë tyre, deri në ditën e shumëpritur të triumfit të drejtësisë! Sepse, dielli do të lind përsëri!”, ka shkruar ai./teve1.info/
