Elbert Krasniqi, ministër i Administrimit të Pushtetit Lokal dhe kryetar i paritsë Iniciativa e Re Demokratike e Kosovës , ka thënë se do ta vazhdojë bashkëpunimin me kryeministrin aktual Albin Kurti edhe në mandatin e ardhshëm.
Ai ka thënë se nuk do ta përkrahë asnjë koalicion në të cilin Albin Kurti nuk është kryeministër.
“Nuk ka asnjë dyshim që do të jem pjesë e koalicionit të ardhshëm qeveritar edhe do të jem pjesë e një koalicioni vetëm ku Albin Kurti është kryeministër”, tha Krasniqi
Të mërkurën pas mbledhjes së Qeverisë ai tha se gjatë katër vite mandat kanë pas bashkëpunim të mirë e në mirëbesim.
