Ai duke e cilësuar si turpruese kërkesën e ministrit Sveçla që mërgimtarët të lejohen të hyjnë në Gjermani me pasaportat të skaduar ka thënë se Qeveria duhet që çështjen e pasaportave ta kthejë në prioritet.
Krasniqi në Facebook ka shkruar se asnjë arsyetim nuk e shfajëson Qeverinë lidhur me mungesën e materialit për prodhimin e pasaportave.
“Asnjë arsyetim nuk i shfajëson qeveritarët e paaftë për të qeverisur në lidhje me mungesën e materialit për prodhimin e pasaportave. Janë bërë muaj të tërë dhe kjo tufë inkompetente nuk është në gjendje ta zgjidhë një problem të thjeshtë furnizimi. A di të tregojë ndokush nga Qeveria e fjalamanëve pse vetëm Kosova në tërë Evropën nuk ka material për pasaporta?. Duke bashkëndjerë me ta për këtë keqtrajtim nga Qeveria, por duke i falënderuar për vizitat dhe kontributin e tyre të çmuar, u uroj të gjithë mërgimtarëve rikthim të mbarë e të sigurt nëpër shtetet ku jetojnë dhe veprojnë. Uroj Vit të ri të mbarë, të suksesshëm e të begatë për të gjithë mërgimtarët tanë dhe familjet e tyre nëpër botë”, ka shkruar Krasniqi./teve1.info/