Ai në fjalimin e tij në Konventën e 7-të të Rinisë Demokratike, ka thënë se PDK-në e definonin guximi për të ëndërruar dhe realizuar ëndrrat për Kosovën.
“Asgjë e rëndësishme në historinë e re të vendit tonë nuk ka ndodhur, pa ndikimin dhe vulën e PDK-së. Por, nëse kam menduar gjatë se si do ta definoja atë që na definon, atë që na dallon neve sot këtu juve si gjeneratë e re, aktivistët e PDK-së, për çdo gjeneratë duke filluar nga themeluesit e PDK-së, ajo është guximi për të ëndërruar dhe për të parë ëndrra të mëdha për Kosovën dhe për realizimin e këtyre ëndrrave. Edhe pa ekzistuar PDK, themeluesit e saj Hashim Thaçi e Kadri Veseli, dy ish-kryetarë të partisë, të cilët sot fizikisht i kemi në distancë, por emocionalisht i kemi pranë gjithmonë, kanë qenë njerëz të cilët në kohën kur ka qenë shumë vështirë të ëndërrohet për lirinë e vendit tonë, kur shumë njerëz nuk kanë besuar se ajo mund të ndodhë, ata e kanë ëndërruar atë”, ka thënë Krasniqi thuhet në komunikatëne PDK-së.
Ai tha se rinia është forca që e ndryshon Kosovën, sepse askush më mirë se ata nuk mund ta portretizojë Kosovën që duam, dhe adresa e tyre është PDK.
Rinia Demokratike e Kosovës ka mbajtur sot Konventën e 7-të Zgjedhore, ku me shumicë votash kryetare është zgjedhur Arbnora Salihu./teve1.info/
