Ministri i Administrimit të Pushtetit Lokal në Kosovë, Elbert Krasniqi ka njoftuar se 500 bursa do të ndahen për nxënësit e shkollave të mesme dhe të larta për vitin shkollor 2024/2025 nga komunitetet egjiptian, ashkali dhe rom.
Krasniqi ka thënë se bursat do të ndahen për nxënësit e regjistruar të klasës së 10-të, 11-të, dhe 12-të të arsimit të lartë, gjimnaze dhe shkolla profesionale në Kosovë.
Derisa, ministri ka bërë të ditur se shuma e bursës do të jetë 300 euro për një vit mësimor dhe konkursi do të jetë i hapur deri më 11.11.2024.
“Edhe këtë vit shkollor, me qëllim të mbështetjes financiare për nxënësit e komuniteteve egjiptian, ashkali dhe rom është hapur thirrja për ndarjen e bursave për nxënësit e shkollave të mesme të larta për vitin shkollor 2024/2025”, ka shkruar Krasniqi në Facebook./teve1.info/
