Komisioni Qendror i Zgjedhjeve (KQZ) ka rikujtuar qytetarët se votimi familjar është rreptësisht i ndaluar në zgjedhjet e parakohshme parlamentare që do të mbahen më 28 dhjetor.
Sipas KQZ-së, kjo formë votimi bie ndesh me Ligjin për Zgjedhjet e Përgjithshme, ndërsa Kodi Penal e klasifikon votimin familjar si vepër penale.
“Votimi familjar është i ndaluar. Vota është personale dhe e fshehtë. Respekto ligjin, respekto demokracinë”, ka njoftuar KQZ-ja përmes një postimi në rrjetin social Facebook.
