Komisioni Qendror i Zgjedhjeve ka bërë të ditur se deri më 16 shkurt ora 16:00 janë numëruar 63.60% e vendvotime apo 1 mijë e 611 nga 2 mijë e 533.
Sipas KQZ-së procesi i numërimit të votova ka përfunduar në 14 Qendrat Komunale të Numërimit
“Sipas të dhënave të pranuara nga Qendrat Komunale të Numërimit, në të cilat është duke vazhduar apo ka përfunduar procesi i numërimit të votave të kandidatëve për deputetë nga Zgjedhjet për Kuvendin e Kosovës, deri më 16 shkurt 2025, ora 16:00, janë numëruar 63.60% e vendvotimeve apo 1,611 nga 2,533. Procesi i numërimit të votave ka përfunduar në 14 Qendrat Komunale të Numërimit (QKN) në komunat: Deçan, Kamenicë, Novobërdë, Obiliq, Shtërpcë, Suharekë, Viti, Junik, Mamushë, Hani i Elezit, Ranillug, Partesh, Kllokot dhe Mitrovicë e Veriut”, thuhet nga KQZ.
Sipas KQZ-së më 16 shkurt, në orë 16:00, procesi i numërimit ka filluar edhe në QKN-në e komunave Leposaviq, Zveçan dhe Zubin Potok.
Në përgjithësi, procesi i numërimit është duke vazhduar në 24 Qendra Komunale të Numërimit.
