Komisioni Qendror i Zgjedhjeve (KQZ) ka publikuar raportet financiare të audituara të subjekteve politike për vitin 2024, duke ofruar një pasqyrë të detajuar të të hyrave dhe shpenzimeve të tyre.
Sipas raportit, Lëvizja Vetëvendosje ka pasur të hyra prej 2 milionë e 337 mijë e 168 euro dhe ka shpenzuar 1 milion e 805 mijë e 296 euro.
Partia Demokratike e Kosovës ka raportuar të hyra prej 1 milion e 16 mijë e 978 euro, ndërsa shpenzimet kanë arritur në 941 mijë e 266 euro.
Lidhja Demokratike e Kosovës ka regjistruar të hyra në vlerë prej 643 mijë e 47 euro, me shpenzime që arrijnë në 594 mijë e 398 euro.
Ndërkaq, Aleanca për Ardhmërinë e Kosovës ka pasur të hyra prej 314 mijë e 390 euro, por ka shpenzuar 365 mijë e 128 euro, duke tejkaluar të hyrat e saj për mbi 50 mijë euro.
Këto raporte thuhet se janë audituar nga auditorët e përzgjedhur nëpërmjet një konkursi të hapur publik nga Zyra për Regjistrim, Certifikim dhe Kontrollin Financiar të Subjekteve Politike (ZRCKFSP).
