Lajmin për teve1.info e ka konfirmuar zëdhënësi i KQZ-së, Valmir Elezi, i cili tha se mbledhja e Komisionit Qendror të Zgjedhjeve do të mbahet të enjten.
“Komisioni Qendror i Zgjedhjeve e ka pranuar njoftimin për dorëheqje të 4 Zyrtarëve Komunal të Zgjedhjeve në komunat: Mitrovicë e Veriut, Zveçan, Zubin Potok dhe Leposaviq. KQZ-ja do ta trajtojë këtë çështje dhe do t’iu mbajmë të informuar”, tha Elezi për teve1.info
Zyrtarët Komunal të Zgjedhjeve në komunat veriore kanë dhënë dorëheqje një ditë më parë, si vazhdimësi e dorëheqjeve të qytetarëve serbë nga të gjitha institucionet shtetërore në veri të Kosovës.