Komisioni Qendror i Zgjedhjeve ka lehtësuar procedurat për regjistrim dhe votim për procesin e ardhshëm zgjedhor jashtë Kosovës.
Sipas KQZ-së, ndryshimet përfshijnë mundësi të reja dhe më të thjeshta për t’u regjistruar dhe për të votuar.
Pas shpalljes së zgjedhjeve, qytetarët e Kosovës që jetojnë në diasporë, regjistrimin mund ta bëjnë përmes platformes elektronike ose përmes postës në kutinë postare të KQZ-së.
“Gjatë periudhës së regjistrimit, ju duhet të zgjidhni njërën nga këto mënyra për të votuar: 1.Të votoni fizikisht në përfaqësi diplomatike të Republikës së Kosovës, vetëm për zgjedhjet për Kuvendin e Kosovës; 2.Duke dërguar fletëvotimin përmes postës në një nga kutitë postare të hapura jashtë Kosovës nga KQZ; 3.Duke dërguar fletëvotimin përmes postës në kutinë postare në Kosovë”, thuhet në njoftimin e KQZ-së./teve1.info/
