Anëtarët e Komisionit Qendror të Zgjedhjeve nuk e kanë akredituar Listën Serbe për të marrë pjesë në zgjedhjet e shkurtit, mëson Tëvë1.
Edhe pse zyra për regjistrimin dhe akreditimin e subjekteve politike rekomandoi që Lista Serbe të akreditohet për zgjedhjet e përgjithshëm, ishin dy vota kundër, dy për dhe shtatë abstenime.
Teve1 mëson se shkak i mos certifikimit të Listës Serbe është kryetari i saj Zlatan Elek, i cili vazhdimisht ka bërë thirrje nacionaliste serbe.
Ndërkohë, dy anëtarët e VV-së në KQZ, Sami Kurteshi dhe Alban Krasniqi ishin ata që kanë shprehur kundërshtimin për certifikimin e këtij subjekti politik.
“Kam rezervat e mia dhe më duhet me i shpreh dhe janë shumë elemente, pra prezantimi i kandidatëve të Listës Serbe. Pra asnjëherë nuk përmend Republika e Kosovës por thotë ‘Kosovo i Metohija’. Nuk thotë ‘rrnoftë Kosova por rrnoftë Serbia’”, tha Kurteshi.
Ndërkaq, Krasniqi kërkoi veprime nga Prokuroria e Shtetit.
