Deri në përfundim të ditës së shtunë janë numëruar votat e kandidatëve për deputetë në 53.96% të vendvotimeve apo 1,367 nga 2,533, ka bërë të ditur Komisioni Qendror i Zgjedhjeve.
Sipas KQZ-së procesi i numërimit të votave ka përfunduar në 11 Qendrat Komunale të Numërimit (QKN) në komunat: Deçan, Kamenicë, Novobërdë, Obiliq, Shtërpcë, Junik, Hani i Elezit, Ranillug, Partesh, Kllokot dhe Mitrovicë e Veriut.
Ndërkaq, të dielën në orë 16:00 thuhet se procesi i numërimit planifikohet të fillojë edhe në QKN-në e komunave Leposaviq, Zveçan dhe Zubin Potok.
“Në përgjithësi, procesi i numërimit është duke vazhduar në 24 Qendra Komunale të Numërimit”, thuhet në njoftim./teve1.info/
