Komisioni Qendror i Zgjedhjeve sot gjatë mbledhjes ka marrë vendim për caktimin e afateve të aktiviteteve dhe miratimin e planit operacional për zgjedhjet e jashtëzakonshme që do të mbahen më 23 prill në veri të Kosovës.
Kështu ka bërë të ditur për Teve1.info zëdhënësi i KQZ-së, Valmir Elezi.
“Komisioni Qendror i Zgjedhjeve mori vendim për caktimin e afateve të aktiviteteve dhe miratimin e planit operacional për organizimin e zgjedhjeve të jashtëzakonshme për kryetar të katër komunave: Mitrovicë e Veriut, Zveçan, Leposaviq dhe Zubin Potok dhe zgjedhjeve të parakohshme për kuvendet komunale të dy komunave: Zveçan dhe Leposaviq, të cilat do të mbahen më 23 prill 2023”, ka thënë ai.
Sipas Elezit, aktivitetet fillojnë nga data 9 mars.
Më poshtë mund t’i gjeni aktivitetet për organizimin e zgjedhjeve.
