Deri në mesditën e së mërkurës janë numëruar më shumë se 83% e vendvotimeve apo më shumë se 2,100 nga 2,533.
Kështu ka bërë të ditur zëdhënësi i Komisionit Qendror të Zgjedhjeve, Valmir Elezi.
Elezi ka thënë se këto rezultate janë sipas të dhënave të pranuara nga Qendrat Komunale të Numërimit, në të cilat është duke vazhduar apo ka përfunduar procesi i numërimit të votave të kandidatëve për deputetë nga Zgjedhjet për Kuvendin e Kosovës.
“Sipas të dhënave të pranuara nga Qendrat Komunale të Numërimit, në të cilat është duke vazhduar apo ka përfunduar procesi i numërimit të votave të kandidatëve për deputetë nga Zgjedhjet për Kuvendin e Kosovës, deri në mesditën e së mërkurës janë numëruar më shumë se 83% e vendvotimeve apo më shumë se 2,100 nga 2,533”, ka thënë ai./teve1.info/
