Komisioni i Pavarur i Mediave (KPM)ka thënë se në mënyrë të vazhdueshme ka analizuar të gjithë dokumentacionin që ka të bëjë me të drejtat e operatoreve vendor për të transmetuar Primer League në territorin e Republike së Kosovës.
Në reagimin e tyre lidhur me publikimin e një përgjigje për Kryetarin e Komisionit për Media, Valon Ramadani, ku thuhet se Artmotion nuk është e autorizuar t’i transmetojë ndeshjet e Premier Leauge në Kosovë, kanë thënë se është e “dhënë e re”.
“KPM, se fundi, është njoftuar së Premier League me letrën e datës 12 mars 2024 të përcjell në Kuvendin e Republikës së Kosovës, sqaron se nuk e ka autorizuar Arenën për t’i lejuar operatorit Artmotion transmetimin e ngjarjeve sportive të Premier League, që paraqet një të dhënë të re për KPM-në. Prandaj, KPM, njofton opinionin publik se sqarimet e dhëna nga Premier League në letrën e datës 12 mars 2024, paraqesin informata deri më tani të panjohura për KPM-në dhe se së shpejti do të ndërmerrë hapat e duhur në lidhje me këtë çështje”, thuhet në sqarim.
Ndërsa, deputeti Valon Ramadani, ka publikuar një përgjigje nga Premier Leauge, ku thuhet se Artmotion nuk ka të drejtë transmetimin e ligës angleze përmes kanaleve të Arena Sport.
“Si kryetar i Komisionit për Media, pas diskutimeve e shqetësimeve të shumta të ngritura në Komision e në publik në lidhje mbi pretendimet për transmetim të paligjshëm dhe të paautorizuar të Premier Ligës Angleze në Kosovë nga platforma “ArtMotion” përmes kanaleve serbe “ArenaSport”, unë i jam drejtuar me letër vet Premier Ligës nga të cilët kam kërkuar sqarim. Përgjigja e tyre ishte e qartë: Premier Liga nuk e ka autorizuar Artmotion direkt të transmetojë ligën angleze në Kosovë dhe nuk e ka autorizuar Arena Sportin nga Serbia që permes ArtMotion të shpërndajë ndeshjet e Premier Ligës në Kosovë. Transmetimet deri tani del të jenë bërë jashtëligjshëm dhe si të tilla do të duhej të trajtoheshin nga Komisioni i Pavarur i Mediave”, ka shkruar Ramadani.
