Sipas komunikatës së Këshillit Prokurorial të Kosovës, ky organ do të shqyrtoj të gjitha veprimet e ndërmarra nga prokuroria dhe të sanksionoj çdo lëshim eventual.
“Këshilli Prokurorial i Kosovës (KPK) njofton opinionin publik se menjëherë pas rastit të fundit të vrasjes së ndodhur në Prizren ku i dyshuar është Dibran Hoxhaj, ka kërkuar nga Kryeprokurori i Prokurorisë Themelore të Prizrenit të përgatisë raport lidhur me gjitha veprimet prokuroriale të ndërmarra ndër vite ndaj tij.
Këshilli Prokurorial i Kosovës, në bazë të kompetencave ligjore që ka, do të trajtojë me kujdes të gjitha veprimet e ndërmarra ndër vite nga prokuroria përkatëse ndaj Dibran Hoxhaj dhe çdo lëshim eventual do të sanksionohet në bazë të akteve ligjore në fuqi”, thuhet në njoftim.
Dibran Hoxhaj i njohur me emrin “Cobra” dyshohet se e ka vrarë me armë zjarrin një të ri me shtetësi të Shqipërisë, dy ditë më parë.
