Kryeministri i Maqedonisë së Veriut, Dimitar Kovaçevski është takuar sot në Bratislavë me përfaqësuesin special të Bashkimit Evropian për Ballkanin Perëndimor, Miroslav Lajçak.
Ata janë pajtuar që nevojitet një de-përshkallëzim i menjëhershëm i konfliktit në veri të Kosovës, teksa kanë kërkuar që të kthehet paqja dhe stabiliteti në veri raporton teve1.info
“Në takimin me Miroslav Lajçak theksova vendosmërinë e shtetit për të forcuar marrëdhëniet e fqinjësisë së mirë dhe bashkëpunimin ndërmjet shteteve. Ne ramë dakord që duhet të ketë një de-përshkallëzim të menjëhershëm të situatës në Kosovë dhe një kthim në paqe dhe stabilitet”, ka shkruar Kovaçevski.
Kovaçevski, i cili po merr pjesë në Forumin Global të Sigurisë GLOBSEC 2023, përsëriti se Maqedonia e Veriut mbështet bashkëpunimin dhe koordinimin e vazhdueshëm me NATO-n dhe BE-në në rajon në drejtim të konsolidimit të stabilitetit dhe përshpejtimit të integrimit euroatlantik të Ballkanit Perëndimor.
На средбата со почитуваниот @MiroslavLajcak ја потенцирав определбата на државата за зајакнување на добрососедските односи и соработка меѓу државите.
Се согласивме дека мора да има итна деескалација на состојбата во Косово и враќање на мирот и стабилноста. pic.twitter.com/bvOZHU9zS7
— Dimitar Kovachevski (@DKovachevski) May 30, 2023
