Autore: Jona Kelmendi
Me pankarta në duar dhe kërkesa të drejtpërdrejta, punëtorët e KOSTT-it u mblodhën para ndërtesës së kompanisë.
Ata përmes protestës kërkuan paga më të larta, trajtim të barabartë dhe siç thanë, fundin e diskriminimit brenda sistemit.
Punëtorët përmes protestës paqësore kërkuan rritje të pagës,pasi theksuan se është rritur kosotoja e jetës.
Por kjo nuk ishte kërkesa e vetme e tyre e Sindikatës së Pavarur të Punëtorëve.
“Kërkesa e parëështë rritje e menjehershme e pagave të anulohet vendimi i cili na ka diskriminuar për shkak se në nivel të Kosovës ne nuk kemi pasë rritje ku në gjithë Kosovën kanë pasë rritje.Kërkesa e dytë: Rrezikshmëria të njihet dhe të paguhet, punëtorët tonë janë në rrezik ne cdo ditë përballemi me tensione të larta dhe presion teknik me situata që mund të rrezikojnë jetën tonë.Kerkesa e trete: Kompenzimi i orêve jashtë orarit siç e kërkon ligji, operatorët tonë të cilat ndajnë nga 100orë në muaj si orë shresë mirëpo orët e tyre paguhen 1me1 kjo është një diskriminim që ju bëhet punëtorëve”, ka thënë Arben Pllan – kryetar i Sindikatës së Punëtorëve.
Të pakënaqur me pagat dhe kushtet, disa prej punëtorëve i thanë televizionit se ndihen të neglizhuar e të diskriminuar.
“Po shpresojmë që zëri jonë të shkoj në një nivel të duhur sipaa neve po na mungojnë disa rregulla si pershembull rrezikshmëria, rrogat e dobëta e disa sene të tjera që po na mungojnë neve si punëtorë të diskriminum”, tha Ramush Syla punëtor.
“Kjo ka ndikuar shumë por të te gjithë punëtorët jemi për të drejtat tona, të gjitha janë shtrenjtu janë rritë rrogat tona kanë mbet qashtu na punojmë me ndrrime kushtet tona nuk janë edhe qaq punojmë me ka 12 orë -14 orë”, tha Yzer Zekaj – punëtor.
E në anën tjetër mbështetjen këtyre punëtorëve i dha edhe Sindikata e KEK-ut, që paralajmëron protesta të tjera nëse nuk ka veprime konkrete.
“Edhe një here ju bëj thirrje që të merrni dhe të ulni për kërkësat e sindikatës përndryshe ne do të vazhdojmë me protestë e me grevë deri në realizimin e kërkësave që i kemi”, tha Nexhat Llumnica kryetar i sindikates se KEK-ut
Përfaqësues të sindikatës kanë bërë të ditur se kërkesat e tyre janë adresuar disa herë, por deri më tani nuk kanë marrë përgjigje konkrete, gjë që i ka detyruar të kalojnë në veprime sindikale.
