Kosova dhe Zvicra do të ballafaqohen sonte (e shtunë) në stadiumin “Fadil Vokrri”, në kuadër të kualifikueseve për Evropianin 2024. Ndeshja është në kuadër të Grupit I dhe zhvillohet nga ora 20:45.
Gjyqtari që do ta gjykojë ndeshjen Kosovë – Zvicër është danezi Jakob Kehlet. 42 vjeçari është me stemë të FIFA-s që nga viti 2011.
Edhe pjesa tjetër e gjyqtarëve është nga Danimarka. Lars Hummelgaard dhe Victor Skytte do të jenë anësor në këtë takim, ndërsa gjyqtar i katërt është Peter Kjaesgaard. Në VAR janë Jonas Hansen dhe Mads Kristoffersen.
