Pas barazimit në ndeshjen e parë kualifikuese për Evropianin 2026, Kosova U21 synon një tjetër rezultat pozitiv, të martën mbrëma.
Javën e shkuar “Dardanët” e rinj, luajtën 0:0 në Bukuresht ndaj Rumanisë, ndërsa prej orës 19:00 në Prishtinë përballen me Spanjën U21.
Dueli që luhet në stadiumin “Fadil Vokrri” i takon xhiros së dytë të Grupit A kualifikues, të cilit i prijnë Finlanda e Spanja me nga tri pikë.
Në xhiron e parë, Spanja triumfoi 3:0 në shtëpi ndaj Qipros kurse pjesë e grupit është edhe San Marino.
Te Kosova U21 në krye me selektorin Afrim Tovërlani janë të gatshëm për një tjetër rezultat të favorshëm, pasi janë përgatitur dhe të gatshëm të përballen me Spanjën.
Po ashtu, Kosova U21 pret përkrahje të fuqishme edhe nga tribunat, në tentimin e saj për t’u kualifikuar në një ngjarje të madhe siç është Kampionati Evropian.
