Përfaqësuesja e Kosovës U21 ka arritur fitore përballë Izraelit si vendës me rezultatin e pastërt 3-1.
Në takimin që u zhvillua në “Zahir Pajaziti” të rinjtë e Kosovës treguan karakter duke marrë në fund një fitore shumë të rëndësishme.
Ndeshja filloi më mirë për Kosovën, pasi për 10 minuta kaluan në epërsi të dyfishtë, me të njëjtin protagonist në të dyja rastet. Ishte sulmuesi i Schalkes, Bleron Krasniqi ai i cili tundi rrjetën e izraelitëve dyherë, duke u gjetur mjaft mirë në zonë, pavarësisht se të dyja goditjet u devijuan.
Izraeli arriti të ngushtojë epërsinë me sulmuesin Nachmani dhe në pjesën e dytë u hodhën në sulm duke tentuar të barazojnë shifrat, e këtë e shfrytëzoi për mrekulli Veton Tusha i Ballkanit i cili morri një top nga Ardit Tahiri për ta finalizuar vet aksionin.
Aktualisht Kosova U21 e sheh vetën në pozitën e 3-të me 8 pikë pas 6 ndeshjeve, një më pak se Gjermania një vend më lart por që ka tri ndeshje më pak të zhvilluara.
