Kombëtarja U19 e Kosovës në futboll nuk ka arritur të kualifikohet në Kampionatin Evropian të kësaj grupmoshe.
“Dardanët” e rinj kanë përfunduar në pozitën e tretë të Grupit 1 në kuadër të raundit elitar të kualifikimeve. Në tri ndeshje të luajtura në këtë grup, Kosova ka tubuar tri pikë pasi ka regjistruar dy humbje e një fitore.
Disfata e fundit për Kosovën erdhi të martën në duelin e fundit në grup nga Sllovenia, që triumfoi me shifrat 2:0. Një gol në pjesën e parë dhe një tjetër në të dytën, i dhanë Sllovenisë fitoren e parë në grup.
Prej këtij grupi në Evropianin e këtij viti është kualifikuar Spanja që doli e para me 7 pikë, pasi në duelin e fundit triumfoi 2:1 ndaj Austrisë. Sllovenia si organizatore përfundoi e dyta në grup me 4 pikë, një më shumë se Austria që mbeti në pozitën e fundit.
Evropiani U19 do të mbahet në Irlandën e Veriut në muajin korrik.
