Përzgjedhësi i Kombëtares U17 të Kosovës në futboll, Arbnor Morina të premten ka publikuar listën e lojtarëve të ftuar për kualifikimet për Evropianin e kësaj grupmoshe.
Në fakt, Kosova javën e ardhshme do të paraqitet në turneun e raundit të parë kualifikues, i cili do të mbahet në Belgjikë.
Morina për këto kualifikime ka ftuar 21 futbollistë.
“Dardanët” e rinj janë pjesë e Grupit 4 dhe do të përballen me Belgjikën, Kazakistanin dhe Ukrainën.
Ndeshjen e parë, Kosova e luan më 9 tetor kundër Ukrainës, për të vazhduar kundër Belgjikës (12 tetor) dhe Kazakistanit më 15 tetor.
Muajin e shkuar, Kosova U17 e ka mbyllur kampin parapërgatitor, i cili u mbajt në Kampin Nacional të FFK-së në Hajvali dhe zgjati pesë ditë.
