Futbollistet e Kombëtares U17 të Kosovës janë gati për turneun kualifikues të Evropianit të vitit të ardhshëm për këtë grupmoshë.
“Dardanet” e reja do të marrin rrugën drejt Shqipërisë, vend në të cilin do të mbahet turneu kualifikues dhe marrin pjesë tri kombëtare.
ADVERTISEMENT
Kosova U17 është pjesë e Grupit B4, të cilin e përbëjnë edhe Shqipëria e Izraeli.
Ndeshjen e parë, Kosova U17 do ta luaj të mërkurën me Shqipërinë, e cila do të zhvillohet në stadiumin “Elbasan Arena” prej orës 14:00.
Ndërkohë, më 2 tetor, Kosova U17 do të përballet me Izraelin prej orës 11:30 në “Shtëpinë e Futbollit” në Tiranë.
Përzgjedhësja e Kosovës U17, Sanije Krasniqi ka ftuar 20 futbolliste për këtë turne të rëndësishëm, të cilin synon ta fitoj për t’u ngjitur më lart.
