Të enjten në selinë e UEFA-s në Nyon të Zvicrës është hedhur shorti për kualifikimet e Evropianit 2026 për grupmoshat U17 dhe U19.
Kualifikimet do të mbahen vitin e ardhshëm, ndërsa pjesë e shortit ishin edhe Kosova U17 dhe U19, që mësuan grupet dhe kundërshtarët më të cilët do të përballen.
Shorti ka përcaktuar që Kosova U19, të jetë pjesë e grupit 12-të që përbëhet prej Norvegjisë, Gjermanisë dhe Armenisë.
Turneu kualifikues i këtij grupi, do të mbahet në Norvegji, më datat 8, 11 dhe 14 tetor të vitit 2025.
Ndërkohë, Kombëtarja U17 do të përballet me Austrinë, Irlandën dhe Ishujt Faroe në kuadër të Grupit 6.
UEFA ia ka besuar organizimin e këtij turneu kualifikues Federatës së Futbollit të Kosovës, e cila së shpejti do të bëjë publike datat e zhvillimit të ndeshjeve të Grupit 6.
