Kosova, Shqipëria dhe Kroacia do të nënshkruajnë nesër marrëveshje trilaterale në fushën e Mbrojtjes.
Tëvë1 mëson ekskluzivisht se kjo marrëveshje që do të nënshkruhet është e shtrirë në katër pika kyçe.
“Duke njohur marrëdhëniet e forta dhe të qëndrueshme midis Republikës së Shqipërisë, Republikës së Kroacisë dhe Republikës së Kosovës, të bazuara në vlera të përbashkëta, interesa strategjike dhe angazhime reciproke brenda kornizave të sigurisë rajonale dhe organizatave të tjera të sigurisë, është nënshkruar marrëveshja trilaterale ndërmjet Kosovës, Shqipërisë dhe Kroacisë, e shtrirë në katër pika kyçe;
1.Promovimi i bashkëpunimit në ngritjen e kapaciteteve të mbrojtjes dhe industrisë së mbrojtjes;
2.Rritja e ndërveprueshmërisë përmes edukimit, trajnimit dhe ushtrimeve;
3.Kundërveprimi ndaj kërcënimeve hibride dhe forcimi i qëndrueshmërisë strategjike;
4.Ofrimi i mbështetjes së plotë për integrimin Euro-Atlantik dhe atë të mbrojtjes rajonale”.
