Ministri i Mbrotjes, Armend Mehaj pas tërmetit të fuqishëm në Turqi, ka shprehur gatishmërinë e Kosovës që të ofrojë ndihmë me të gjitha kapacitet profesionale për reagim, kërkim-shpëtim dhe rimëkëmbje.
Përmes një postimi në Facebook, Mehaj ka uruar që numri i viktimave dhe i dëmëve të jetë sa më i vogël, teksa ka ngushëlluar edhe familjet të cilat kanë humbur të dashurit e tyre, raporton teve1.info
“Ministrit Akar i shprehim gatishmërinë tonë të plotë që të ofrojmë ndihmë me të gjitha kapacitet tona profesionale për reagim, kërkim-shpëtim dhe rimëkëmbje në zonat e prekura. Urojmë që numri i viktimave dhe dëmeve të jetë sa më i vogël, ndërsa familjeve të cilët kanë humbur më të dashurit e tyre u shprehim ngushëllimet tona më të sinqerta”, ka shkruar Mehaj.
“Me vullnet dhe forcë lutemi që ta kaloni këtë sfidë të rëndë!”, shtoi ai.
