CNTTraveler, ka rekomanduar Kosovën si një nga destinacionet kryesore për të Evropës për tu vizituar në vitin 2024.
Kështu ka bërë të ditur, kryeministri i vendit, Albin Kurti, i cili ka thënë që ndihet krenar nga ky emërim.
“Vendi më i ri i Evropës ka maja të mrekullueshme, fshat baritor dhe mikpritje që ngroh zemrën.” Krenar që shoh Kosovën të emëruar nga CNTraveler si një nga destinacionet kryesore të Evropës në vitin 2024. Mezi presim t’i tregojmë botës se çfarë ka për të ofruar vendi ynë”, ka shkruar Kurti në platformën “X”.
Këtë lajm e ka mirëpritur edhe presidentja e vendit, Vjosa Osmani, me ç’rast, ka ftuar të gjithë për t’i vizituar bukuritë e Kosovës si dhe mikpritjen e popullit.
“Thesaret e fshehura të Kosovës, luginat e paprekura dhe malet mahnitëse kanë arritur të CNTraveler Vendet më të mira për të shkuar në Evropë në 2024! Ju ftojmë të përjetoni bukurinë befasuese që ofron vendi ynë dhe mikpritjen e jashtëzakonshme të popullit të Kosovës!”, ka shkruar po ashtu Osmani në “X”.
Përveç bukurive natyrore, CNTTraveler ka përmendur se më 2024 Kosova shënon 25 vjetorin që nga përfundimi i luftës, e që sipas tyre, kjo zgjon ende më shumë kureshtjen për të zbuluar rreth këtij rajoni.
Madje, në emërimin e tyre nuk kanë harruar ta përmendin edhe qytetin e bukur të Prizrenit, Gjakovës e Pejës.
“Kosovës së vogël i mungojnë plazhet mahnitëse të Shqipërisë dhe resortet luksoze të Malit të Zi, por vendi më i ri i Evropës ka maja të mrekullueshme, fshat baritor dhe mikpritje që ngroh zemrën, një kombinim ideal për ecje shumëditore dhe udhëtime me biçikletë. 2024 do të shënojë 25 vjetorin që nga përfundimi i luftës në Kosovë, dhe tani ka shumë për të zbuluar në rajon. Duke ndjekur gjurmët e shtigjeve aventureske ndërkufitare si Majat e Ballkanit dhe Scardus i Lartë, rruga e çiklizmit Trans Dinarica hapet në vitin 2024, duke kaluar rrugën përtej minareve që rrethojnë lumin e njëjtë të Prizrenit, përmes qytetit të tregut osman të Gjakovës, dhe për në Pejë. E vendosur në buzë të grykës së Rugovës, Peja shërben si kamp bazë për aventurat e shumta të vendit në natyrë, duke përfshirë ferratat dhe spelunking”, ka shkruar CNTTraveler në faqen e tyre zyrtare./teve1.info/.
