Petrit Rama ka ardhur nga Gjermania për të mbajtur ligjëratë para studentëve të Universitetit të Prishtinës.
Që 4 vite ai ka lëshuar Kosovën dhe aktualisht është ligjërues në Universitetin e Kaiserslautern si dhe kandidat për doktoraturë për inxhinieri kompjuterike në shtetin gjerman.
Braktisja e Kosovës nuk ka qenë e lehtë për të. Mirëpo kushtet e punës e kanë drejtuar tek mundësitë që ofrohen jashtë kufijve.
Por në të ardhmen ai shpreson që të kthehet dhe të kontribuojë shtetit të tij.
Largimin nga vendi e ka menduar Erna Hulaj, e cila është studente në fushën e IT-së.
Por ajo planifikon që nga Kosova të punojë për ndonjë kompani ndërkombëtare.
Madje kërkesat për inxhinieri kompjuterike, sipas profesorit Blerim Rexha janë rritur mjaftë shumë.
Por jo vetëm profesionistet e kësaj fushe janë duke lëshuar Kosovën.
Një numri i madh i infermierëve kanë migruar për në vendet evropiane, për shkak të kushteve të punës.
Largimi i këtyre profesionistëve ka shkaktuar mungesë të madhe të punëtorëve.
Vendin gjithashtu e kanë braktisur edhe një numri i madh i mantel bardhëve.
Kronika e gazetares Doresa Geci.
