Kombëtarja e Kosovës ka pësuar rënie në ranglistën më të re të publikuar nga FIFA.
Shtëpia Botërore e futbollit, të enjten ka bërë publike listën e re, në të cilën Kosova ka rënë për një pozitë.
Prej pozitës së 105-të, në të cilën ishte, Kosova ka rënë në pozitën 106-të me 1203 pikë të tubuara kurse në muajin qershor pati vetëm një ndeshje miqësore, të cilën e humbi 3:0 në Oslo nga Norvegjia.
Ndërkohë, Shqipëria nuk ka lëvizur nga pozita e 66-të dhe ka 1375 pikë të mbledhura.
Shqipëria u paraqit në “Euro 2024” dhe u eliminua në fazën e grupeve, ku në kuadër të Grupit B regjistroi një barazim dhe dy humbje në tri ndeshje të luajtura.
Kampionia e Evropës, Spanja është ngritur për pesë pozita dhe tani renditet e treta pas Francës që është në pozitën e dytë dhe Argjentinës që është e para.
Argjentina ditë më parë triumfoi në Copa America.
