E në kuadër të saj u mbajtën aktivitete të shumta nga organizatat e shoqërisë civile, që synim kanë sensibilizimin kundër korrupsionit.
Por nga institucionet shtetërore nuk u publikua asnjë raport lidhur me luftimin e korrupsionit.
E për këtë institucionet e drejtësisë, po kritikohen nga një ish-drejtor i Agjencisë Kundër Korrupsion, Hasan Preteni.
Kritika ka edhe për sistemin e drejtësisë, që sipas tij po i neglizhon lëndët e rasteve që kanë të bëjnë me korrupsionin.
Se nuk ka rezultate konkrete në luftën kundër korrupsionit, e thonë edhe nga Instituti i Kosovës për Drejtësi.
“Definitivisht se nuk ka rezultate konkrete në drejtim të luftimit të korrupsionit profilit të lartë. Ka disa raste të cilat janë në proces e sipër por ajo çfarë kërkohet e që është aktgjykim përfundimtar të një personi të profilit të lartë i cili dënohet me burgim efektiv ende nuk kemi rezultate të tilla të cilat janë shënuar”,tha Gëzim Shala nga IKD.
Java kundër Korrupsion ka filluar më 5 dhjetor dhe mbaron më 9 dhjetor, atë ditë kur edhe shënohet dita ndërkombëtare kundër korrupsion.
Kronika e gazetares Albiona Hajdari.