Përfaqësuesja e Kosovës në futboll është nisur të hënën paradite drejt Bukureshtit të Rumanisë. Te Kosova motivi është i madh për rezultat pozitiv ndaj rumunëve.
Ndeshja Rumani – Kosovë është të martën nga ora 20.45.
“Kombëtarja e Kosovës është nisur nga aeroporti ‘Adem Jashari’ në Prishtinë drejt Bukureshtit, ku nesër do të luajë ndeshjen tejet të rëndësishme kundër Rumanisë, në kuadër të kualifikimeve për Euro 2024. Dardanët udhëtuan me plot motiv, dëshirë e shpresë për rezultat pozitiv”, ka shkruar FFK-ja.