Shorti i së premtes për plejofin e Ligës së Kombeve nuk është më i rëndësishëm sesa shorti për kualifikimet e Botërorit 2027 në futboll si për Kosovën ashtu edhe kombëtaret tjera të Evropës.
Shorti i kualifikimeve evropiane do të tërhiqet më datën 13 dhjetor në Zurich të Zvicrës dhe rëndësi të madh ka edhe ndarja e kombëtareve nëpër vazo.
Kualifikimi në Botërorin që do të organizohet në SHBA, Meksikë dhe Kanada, varet shumë edhe nga ndarja në vazo apo me kundërshtarët më të cilët do të përballet Kosova në grupin e saj.
Kështu që, Kosova do të jetë në vazon e katërt në këtë short për dallim prej shortit të Botërorit 2022 kur ishte në vazon e pestë.
Edhe pse do të jetë në vazon e katërt, kualifikimi për Kosovën në ngjarjen e madhe globale të futbollit do të jetë edhe më i vështirë.
“Dardanët” do t’i kenë tri kombëtare në forta në grup dhe nëse bie në grupin me katër kombëtare, atëherë do të jetë ekipi me gjasat më të vogla për kualifikim.
Kosova aktualisht është e 101-ta në renditjen e FIFA-s, dhe në short do të jetë në vazo së bashku me Bullgarinë, Luksemburgun, Bjellorusinë, Armeninë, Kazakistanin, Azerbajxhanin, Estoninë, Qipron, Ishujt Faroe, Letoninë dhe Lituaninë.
Kualifikimet evropiane për Botëror nisin në mars të vitit të ardhshëm por Kosova pritet ti filloj në qershor apo shtator për shkak se në muajin mars i luan ndeshjet e plejofit të Ligës së Kombeve.
Kualifikimet për Botërorin 2026, do të përfundojnë në muajin nëntor të vitit të ardhshëm.
