Xhudistët elitarë të Kosovës në vikend do të marrin pjesë në garën e hapur të xhudos në Bullgari, “Sofia European Open”.
Kosova do të përfaqësohet nga: Erza Muminoviq -48kg, Laurinë Gashi -52kg, Fatjona Kasapi -52kg, Flaka Loxha -57kg, Enise Zijade -57kg, Sidorela Dodaj -57kg, Dardan Cena -73kg, Anes Veseli -90kg, Shpati Zekaj -100kg.
Garuesit kanë udhëtuar me trajnerin dhe selektorin, Driton Kuka dhe trajnerët Majlinda Kelmendi dhe Kushtrim Gashi.
Në këtë garë marrin pjesë 386 garues, 237 meshkuj dhe 149 femra nga 5 kontinente, 39 shtete.
Vetëm Dardan Cena do të ndeshet ditën e shtunë, kurse garuesit e tjerë, të dielën.
