Kemi hyrë në fazën finale të nisjes së edicionit të tretë të Lojërave Evropiane që do të mbahen në Krakow të Polonisë. Kosova do të përfaqësohet me 38 sportistë në disiplinë të ndryshme, këtë e ka konfirmuar edhe shefi i misionit, Jeton Rudari në emsionin qëndror të sportit “VAR” në Tëvë1. Ai ka thënë se 15 sportistë do të jenë nga shtate sportë të ndryshme, kurse 23 të tjerë do të jenë nga sporti i atletikës.
Ndërsa zyrtari për media, Kushtrim Krasniqi tha se në këto Lojëra Evropiane do të jenë pa xhudistë, pasi gara e xhudos në Lojëra Evropiane do të shërbejë si kampionat evropian për ekipe të përziera.
Një rrezik që Kosova të mbetet pa medalje, pasi në dy edicionet e parë të Lojërat Evropian, Kosova ka fituar katër medalje nga sporti i xhudos, një të artë, një të argjendtë dhe dy të bronzta. Mirëpo premtim që mund të kthehet me medalje nga Lojërat Evropiane dha boksierja, Donjeta Sadiku. Sadiku në emisionin “VAR” tha se dëshpërimin për mos-lejimin e pjesëmarrjes së saj në Botërorin e boksit në Indi, do ta kthejë tani më medalje nga Krakowi i Polonisë.
Ndërsa atleti, Muhamet Ramadanin beson se do ta thyejë rekordin e tij personal dhe shtetërore në Lojërat Evropiane, gjithashtu ai ka për synim ta konfirmoi edhe njëherë medaljen e artë në Kampionatin Evropian për U23.
Derisa shefi i misionit, Rudari ekskluzvisht për Tëvë1 tha se Donjeta dhe Muhameti do të jenë flamur mbajtësit të Kosovës në cermoninë e hapjes në Krakow të Polonisë.
Ngjarja shumësportëshe mbahet nga 21 qershori deri më 2 korrik në Krakoë dhe Malopolska të Polonisë.
