Ministria e Punëve të Jashtme e Kosovës, mbështet veprimet ushtarake të vendeve më të fuqishme perëndimore kundër grupit të armatosur Houthi, pas sulmit të tyre në Detin e Kuq.
Përmes një komunikate, thuhet se përveç sulmeve mbi anijet komerciale, theksohet edhe lënia e pasojave në tregtinë e mallrave dhe ndikimin e tyre në ekonomi.
“Armiqtë e paqes, stabilitetit, sigurisë, demokracisë, rendit botëror dhe civilizimit janë armiq të të gjithëve. Vetëm së bashku mund të arrijmë që t’i mundim e të krijojmë një botë të qëndrueshme, e cila prioritet ka paqen, bashkëjetesën, tolerancën dhe përparimin në një botë, gjithnjë e më të globalizuar”, thuhet në komunikatën e tyre,
Po ashtu, më tej thuhet se Republika e Kosovës si një vend thellësisht demokratik, rreshtohet qartë në krahë të partnerëve të saj strategjikë në përpjekjet e përbashkëta për ruajtjen e paqes dhe sigurisë në botë. /teve1.info/.
