Përfaqësuesja e Kosovës nën urdhërat e trajnerit të ri Alain Giresse, ka zhvilluar edhe stërvitjen e dytë para ndeshjes miqësore kundër Burkina Fasos, që zhvillohet të enjten në stadiumin “Fadil Vokrri”.
Duhet bërë me dije se skuadra është e kompletuar nga lojtarët që janë ftuar nga trajneri francez, përveç Emir Sahitit që pësoi lëndim dhe u zëvendësua menjëherë nga mbrojtësi Lumbardh Dellova.
Yje si Vedat Muriqi, Edon Zhegrova, Mërgim Vojvoda, Amir Rrahmani, Milot Rashica, Valon Berisha e të tjerë u paraqitën të gatshëm dhe në formë të mirë gjatë kësaj seance stërvitore.
Në 20 minuta stërvitje që ishin të hapura për media, lojtarët bënë nxjemje dhe vrapim të lehtë.
Pas Burkina Fasos, Kosova luan edhe një tjetër ndeshje miqësore, atë kundër Zvicrës në Zurich.
/Tëvë1/
