Përfaqësuesja e Kosovës në futboll do të luajë miqësore me Armeninë më 6 qershor. Ndeshja do të zhvillohet në stadiumin “Fadil Vokrri”, ka njoftuar FFK-ja të hënën.
Armenia nuk e njeh shtetin e Kosovës, por dy federatat nacionale janë pajtuar për miqësore në Prishtinë.
“Përzgjedhësit Franco Foda do t’i shërbejë kjo miqësore për ta testuar ekipin për kualifikuese e Botërorit 2026”, ka shkruar FFK-ja.
Kosova këtë muaj i ka dy ndeshje të plejofit të Ligës së Kombeve me Islandën, ndërsa në qershor do të luajë miqësore. Prej shtatorit për Kosovën fillojnë kualifikimet për Botëror.
Armenia së fundi ka njohur pasaportat e Kosovës.
