Gjykata Themelore në Prishtinë ka lëshuar fletarrestim ndaj Millan Radoiçiq dhe 19 serbëve të tjerë, për krime lufte kundër popullatës civile.
Kërkesa në Gjykatën Themelore është bërë nga Prokuroria Speciale e Republikës së Kosovës, konfirmuan për KosovaPress nga ky institucion.
Radoiçiq, si pjesë e një grupi serbësh, akuzohet për vrasjen e më shumë se 100 civilëve shqiptarë.
Millan Radoiçiq tashmë është person i kërkuar nga Kosova për sulmin terrorist në Banjskë të Zveçanit në shtator të vitit 2023 ku u vra rreshteri Afrim Bunjaku.
Radoiçiq – i kërkuar edhe nga INTERPOL-i, besohet se ndodhet i lirë në Serbi.
